في كتير مننا لما بيقوم من النوم الصبح، أو قبل النوم بالليل، بيغسل وشه الأول… بعدين أسنانه.

لكن المفروض الموضوع يكون بالعكس!

اغسلي أسنانك أولا – وبعدين اغسلي وشك

ليه؟

معجون الأسنان فيه مواد كتير مضرة للبشرة ومسببة للحساسية. من ضمنها المادة اللي بتدي المعجون قدرته على انه يعمل رغاوي، ومادة الفلوريد نفسها واللي كل معجون أسنان تقريبا بيحتوي عليها.

المواد دي كلها بتشيل الطبقة الدهنية الطبيعية اللي موجودة عل البشرة وبتحميها. ده بيخلي البشرة أكثر عرضه للجفاف والالتهابات. الى جانب ان المواد دي نفسها بتلهب البشرة.

من المشاكل اللي ممكن تلاحظيها جفاف بشرة الوجه، جفاف وتشقق الشفايف، التهاب البشرة اللي حوالين الشفايف وسوادها، وممكن كمان تساهم في سواد المنقطة اللي تحت العين وبالتالي تزود شكل الهالات السوداء! لاحظوا ان التهاب البشرة المتكرر حيؤدي الى ظهر بقع داكنة بعد فترة.

وبالمناسبة – استخدام معجون الأسنان لمعالجة حب الشباب برضو ممكن يؤذي البشرة ويزود التهاب حب الشباب أكتر.

ماتنسيش – اغسلي أسنانك الأول بعدها اغسلي وشك!

ودمتم بصحة وجمال!