حزروا فزروا – امتى بتبدأ مرحلة الشيخوخة في بشرتكم؟

حقول لكم بس ماتتخضوش!

فاكرين الكولاجين اللي كنا اتكلمنا عليه وقلنا انه مهم للحفاظ على نضارة  البشرة وشبابها؟

الكولاجين ده انتاجه في البشرة بيبدأ يقل لما توصلوا سن 21!

يعني البشرة بتفضل تبني في نفسها وفي جمالها ورونقها أول 21 سنة من عمرنا بس.

بعد كده بيبدأ الانهيار!

أوك… بلاش أكون درامية قوي كده.

طبعا البشرة بتفضل على طول تنتج كولاجين – لكن الحقيقة العلمية بتقول ان انتاجه بيقل بنسبة 1% كل سنة بدءا من سن 21 سنة تقريبا.

ومش بس كده – التعرض للشمس بشكل مستمر بيكسر الكولاجين أسرع وبيعجل من شيخوخة البشرة.

من هنا تكون الإجابة على سؤال موضوعنا سهلة جدا – السن المثالي للبدء في العناية بالبشرة يبقى بدري على قد ما تقدري.

البداية في أوائل العشرينات كويس جدا.

ممكن تبدأي بدري عن كده لو عندك مشاكل في بشرتك زي الجفاف أو حب الشباب.

انما الحقيقة – العلمية على فكرة – ان العناية بالبشرة بتبدأ من سن 6 أشهر – ده السن اللي عنده الدكاترة بينصحوا الأمهات انهم يبدأ يستخدموا كريم حماية من الشمس للبيبيهات.

الكريمات المناسبة لكل مرحلة عمرية بتعتمد على حاجات كتيرة.

انتظروها في المقالات القادمة.

ودمتم بصحة وجمال.

المصادر:

http://www.mayoclinic.org/healthy-lifestyle/infant-and-toddler-health/expert-answers/baby-sunscreen/faq-20058159

http://www.scientificamerican.com/article/why-does-skin-wrinkle-wit/

Images courtesy of ambro and dominici at FreeDigitalPhotos.net